Bosones W y Z

Plantía:Ficha de partícula Los bosones W y Z son les partícules mediadores de la interaición nuclear débil, una de los cuatro interaiciones fundamentales de la naturaleza. Son dos tipos de partícules fundamentales, bien masives, que s'encarguen polo xeneral de camudar el sabor d'otres partícules, los leptones y los quarks.

Fueron afayaes nel CERN, en 1983; anque la so esistencia y carauterístiques xenerales fueren prediches muncho primero. El bosón W recibe esi nome de la pallabra inglesa weak, ‘débil', pola interaición débil a la que caracteriza. El bosón Z puede recibir esi nome por ser el postreru de los trés n'afayase, o seique por tener carga llétrica cero (zero, n'inglés). N'español tamién se suelen conocer como «bosones entemedios».